“Юрт ободлиги, аввало, маҳалладан бошланади!” шиори остида ҳашар ўтказилди

“Юрт ободлиги, аввало, маҳалладан бошланади!” шиори остида ҳашар ўтказилди

Ўзбекистон Республикаси Вазирлар Маҳкамасининг тегишли фармойишига мувофиқ жорий йилнинг 13–14 март кунлари мамлакатимиз бўйлаб “Юрт ободлиги, аввало, маҳалладан бошланади!” шиори остида умумхалқ ҳашарлари ўтказилмоқда.

 Ушбу умумхалқ ҳашари доирасида «Рақамли трансформация ва аутсорсинг маркази» давлат муассасаси ходимлари томонидан ҳам ҳашар ташкил этилди. Тадбир давомида муассаса биноси атрофи ва унга туташ ҳудудларда ободонлаштириш, ҳудудларни тозалаш ҳамда санитария ҳолатини яхшилашга қаратилган ишлар амалга оширилди.

 Шунингдек, ҳудудлардаги яшил майдонларни тартибга келтириш, атроф-муҳитни ободонлаштириш ва санитария-гигиена ҳолатини яхшилаш бўйича амалий ишлар олиб борилди.

 Бундай тадбирлар жамоада ҳамжиҳатликни мустаҳкамлаш, обод ва кўркам муҳитни шакллантириш ҳамда юртимиз тараққиётига муносиб ҳисса қўшишга хизмат қилади.