«FAIR TECh» ягона ахборот тизими «Биржа назорати» ва «Комплаенс» модуллари билан тўлдирилди
«Рақамли трансформация ва аутсорсинг маркази» давлат муассасаси томонидан Рақобат қўмитаси фаолиятини рақамлаштириш йўналишидаги ишлар изчил давом эттирилмоқда.
2026 йилнинг биринчи чорагида Рақамли технологиялар вазирлиги ва «Киберхавфсизлик маркази» ДУК томонидан берилган эксперт хулосалари асосида тасдиқланган «FAIR TECh» ягона ахборот тизимини такомиллаштириш мақсадида унинг доирасида қўшимча «Биржа назорати» ва «Комплаенс» модуллари ишлаб чиқилди ҳамда Рақобат қўмитаси фаолиятига татбиқ этилди.
Жумладан, «Биржа назорати» модулида товарлар (товарлар рўйхати номи) маҳсулотларини биржаларга тасдиқланган график бўйича қўйилиши устидан назорат ўрнатиш, маҳсулотларнинг биржадаги сотилиш нархлари мониторинги ҳамда нарх манипуляцияси ҳолатларини аниқлаш каби имкониятлар яратилган.
«Комплаенс» модулида эса рақобат соҳасида комплаенс жорий қилинган ташкилотлар рўйхати юритилиб, уларнинг қонуний ҳужжатларга мослиги текширилади. Шунингдек, комплаенс бўйича олиб борилаётган чора-тадбирлар ва уларнинг натижалари тизимга киритиб борилади.
Мазкур модулларнинг жорий этилиши истеъмолчилар ҳуқуқларини ҳимоя қилиш ҳамда бозордаги соғлом рақобат муҳитини таъминлаш самарадорлигини оширишга хизмат қилади.