📌 Ўзбекистон Республикаси Вазирлар Маҳкамасининг 2026-йил 18-мартдаги 109-сон қарори республика ва маҳаллий ижро этувчи ҳокимият органлари фаолиятида иш жараёнларини рақамлаштириш, замонавий ахборот-коммуникация технологияларини кенг жорий этиш ҳамда қоғоз сарфини кескин камайтиришга қаратилган муҳим норматив-ҳуқуқий ҳужжат ҳисобланади.
♻️ Мазкур қарорга мувофиқ, ҳар ойда камида бир маротаба “Қоғозсиз бир кун” экоакциясини ўтказиш ва ушбу кун давомида ҳужжатлар айланишини тўлиқ электрон шаклда ташкил этиш белгиланган.
💻 “Рақамли трансформация ва аутсорсинг маркази” давлат муассасасида иш самарадорлигини ошириш, хусусан, экологик барқарорликни таъминлаш мақсадида ҳар ойнинг биринчи ҳафтаси — пайшанба куни “Қоғозсиз бир кун” экоакциясини ўтказиш тартиби жорий этилди.
📎 Мазкур ташаббус доирасида ходимлар ўртасида электрон ҳужжат айланиш тизимидан самарали фойдаланиш, рақамли маданиятни ошириш ва ортиқча қоғоз сарфининг олдини олишга алоҳида эътибор қаратилмоқда.
📅 Хусусан, жорий йилнинг 21 май куни бўлиб ўтган тадбир давомида барча ички хизмат ёзишмалари, буйруқлар, йиғилиш баённомалари, ҳисоботлар ҳамда бошқа турдаги ҳужжатлар тўлиқ электрон шаклда юритилди.
⚡️ Ходимлар томонидан электрон тизимлардан фаол фойдаланилди ҳамда ҳужжатлар алмашинуви тезкор, қулай ва шаффоф тарзда амалга оширилди.
🌱 Шунингдек, мазкур экоакция нафақат иш жараёнларини оптималлаштириш, балки атроф-муҳитни муҳофаза қилиш, қоғоз истеъмолини камайтириш орқали табиий ресурслардан оқилона фойдаланиш маданиятини шакллантиришда ҳам муҳим аҳамият касб этади.
Келгусида ҳам ушбу ташаббусни изчил давом эттириш, уни янада такомиллаштириш ва барча таркибий тузилмаларда босқичма-босқич кенг жорий этиш режалаштирилган.
Батафсил: https://www.rtam.uz