ТАШҚИ РЕКЛАМА: АСОСИЙ ТУШУНЧАЛАР ВА УНГА ҚЎЙИЛАДИГАН ТАЛАБЛАР
Ўзбекистон Республикасининг «Реклама тўғрисида»ги Қонуни, Вазирлар Маҳкамасининг 2020 йил 20 февралдаги 104-сон ҳамда 2023 йил 31 августдаги 428-сон қарорларига мувофиқ ташқи рекламани жойлаштириш белгиланган тартибда амалга оширилади.
🔹 Ташқи реклама конструкцияларига қуйидагилар киради:
• билборд ва пилонлар;
• сити-формат ва стелалар;
• баннер ва брандмауэр паннолари;
• том усти конструкциялари;
• медиафасад ва электрон экранлар;
• витраж, маркиза ва бошқа реклама воситалари.
Реклама конструкциялари технологиясига кўра статик, роллер/скроллер, призматрон ва электрон видеоэкран турларига бўлиниши мумкин.
🔹 428-сон қарор билан ташқи реклама объектларини жойлаштириш учун уларни ўрнатиш чизмаларини шакллантириш, жойлаштириш ҳуқуқини расмийлаштириш бўйича давлат хизмати ҳамда конструкцияларни демонтаж қилиш тартиблари белгиланган.
🔹 Ташқи реклама объектини жойлаштириш ҳуқуқини тасдиқловчи муҳим ҳужжатлардан бири — реклама жойининг паспорти ҳисобланади. У белгиланган ер участкаси, бино ёки иншоотда ташқи реклама конструкциясини ўрнатиш ҳуқуқини тасдиқлайди.
⚠️ Муҳим: ташқи реклама конструкцияларини жойлаштиришда белгиланган тартиб ва қонунчилик талабларига риоя қилиш зарур. Ташқи реклама конструкцияларини жойлаштириш учун реклама жойининг паспорти ва уни тасдиқловчи QR-код мавжуд бўлиши талаб этилади.
📌 Қонунчилик талабларига риоя қилиш — ташқи реклама соҳасида тартиб, шаффофлик ва қонунийликни таъминлашнинг муҳим шарти.